هتجوز – فرقة بساطة

شباب كتير فاض بيها خلاص

من قلة الجواز والله يا ناس

والشاب فينا غير حبة احساس

يفضلوا مكتومين لحد الجواز

واحنا سايبينهم من غير حلول

ده الجزر بيجيب جاموس للعجول

يجيب منين شبكة وشقة

وهو عايش ع السميط والدقة

ويوم ما بتفتح وياه

يجيب قميص تاني ع اللى معاه

ياريت نلحقه قبل ما نلقاه

ماشى في الشوارع لابس خيش وبيقول:

“عروسة يا ناس لله

من قدم شيء بيداه”

يا اخوانا الشباب تاه

راح مننا يا ولداه

من غير فلسفة من غير تنطيط

ولا حد يقول عليا عبيط

من بعد دراسة ورسم وتخطيط

لقيت حل جواز الشاب البسيط

الحل هو قرض البنوك

من غير ضمانات هيسلفوك

غير البطاقة ووصل النور

من غير ما تقف في زحمة وطابور

ده يا دوب كام شيك على بياض

وهتمضي معاهم حبة حاجات

من غير ما تدعك الفانوس

يالا خد الفلوس واتجوز عيش يومين

قبل ما يحبسوك

والله هيحبسوك

صدقني هيحبسوك

والنعمة هيحبسوك

جهزت الشقة كدة ع المفتاح

وخلاص هاتجوز وهتيجي الافراح

انا جبت البدلة وعروستى الفستان

هنقضى شهر العسل في الصين كمان

وفي فندق غالي خمس نجوم

عملنا فرحنا والكل معزوم

وفي اجمل لحظة في كل الكون

لقيت الناس بتقول اهو جه المأذون

انا خدت عروستي وجري عليه

لقيته ماسك منديل فيميه

خد البطاقة وقال يا عسل

هو انتوا دلوقتي سنكم بقة كام

قولتله انا سبعين وعروستي بقت ستين

قالي اكتب كتاب مين

انتوا خلاص ميتين

مانتوا خلاص ميتين

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

One thought on “هتجوز – فرقة بساطة”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *