القوى الأجنبية وتدخلها لتصعيد الأزمة المصرية – اللي ما يشوفش من الغربال ( ج10 )

إستكمالاً….

الخميس, 3 فبراير :

 

 

 

جو بايدن نائب الرئيس الأمريكي يجري اتصالا هاتفيا بنظيره المصري عمر سليمان حث فيه الحكومة المصرية على وقف العنف وبدء إجراءات انتقال السلطة.

 

 

 

اللي هنعيده هنزيده… وأمريكا مهتمة بنقل السلطة قوي بعد ما كانت بتقول إن مبارك نظام قوي وإنها قلقانة من اللي بيحصل وكانت بتنفي إن يحصل في مصر زي تونس.

 

 

 

وزيرة الخارجية الأمريكية هيلاري كلينتون تجدد إدانة بلادها للعنف في مصر وتدعو الحكومة إلى البدء فورا في محادثات مع المعارضة لتسليم السلطة.

 

 

 

سلموا السلطة للمعارضة حالاً…. قصدي سلموا السلطة لأي حد حالاً عشان اللي انتوا بتعملوه ده عنف وبهدلة وإحنا يهمنا مصر تفضل آمنة وعاشت مصر حرة مستقلة ده شعارنا في أمريكا.

 

 

 

وزيرة الخارجية الاوروبية كاثرين اشتون تتعرض لانتقادات حادة من بعض نواب البرلمان الاوروبي الذين اتهموها بعدم لعب دور فاعل ازاء الاحتجاجات في العالم العربي، وخصوصا في مصر وتونس.

 

 

 

الست ساكتة عشان ما تطلعش تهييس زي الباقيين… مافيش أطماع مجمعة للإتحاد الاوروبي في الدخول في حرب ضد مصر… إحنا سايبين إنجلترا وفرنسا وتركيا  وإيطاليا بتعاملوا في الموضوع.

 

 

 

امين سر منظمة العمل الدولية خوان سومافيا يعتبر ان النقص الكبير في التوظيف في بلد يشهد عملية تنمية الكثيفة يشكل احد العناصر الرئيسية في الانتفاضة الشعبية في مصر. ويوضح في بيان ان المنظمة “تندد منذ سنوات بالنقص الكبير في الوظائف غير المناسبة في مصر وفي دول اخرى في المنطقة حيث تبقى نسب البطالة والبطالة المقنعة والعمالة غير القانونية بين الاعلى في العالم”.

 

 

 

عين العقل والله يا ابنى… إحنا هنشتغل على تطوير اللي بتحكي فيه ده إن شاء الله على إيد سمير رضوان والحكومة الجديدة.

 

 

 

رئيس الوزراء اليوناني جورج باباندريو يدعو مصر الى السير نحو “انتقال ديمقراطي”، ويضيف “نحن نواصل الاتصال بقادة المنطقة وسوف نتخذ المبادرات اللازمة للمساهمة ايضا بشكل ايجابي في التطور الديمقراطي وتطبيع (الاوضاع) لما فيه مصلحة الشعب المصري على وجه الخصوص “.

 

 

 

واخد بالك إن الراجل ده ماقالش حالاً… قالك إنتقال ديموقراطي… قالك لما فيه مصلحة الشعب المصري على وجه الخصوص… قالك تطبيع الأوضاع..

 

 

 

مساعدة الأمين العام للأمم المتحدة ومديرة للمكتب الإقليمي لبرنامج الأمم المتحدة الإنمائي في البلدان العربية ريما خلف تؤكد في مقابلة مع بي بي سي على موقف المنظمة الداعي لانتقال سلمي للسلطة في مصر.وتدين ما تسميه الإنتهاكات المتكررة لحقوق الإنسان في مصر وطالبت بتحقيق بأحداث ساحة التحرير يوم أمس.

 

 

 

 إحنا بنندد بالعنف وانتهاك حقوق الانسان…. وبنقول لازم السلطة تتنقل سلمياً بس ما بنقولش دلوقتي

 

 

 

 

صندوق النقد الدولي يعلن انه ينتظر ان تتضح صورة الوضع السياسي في مصر قبل ان يقترح تقديم مساعداته، وانه من المبكر جدا تقييم العواقب الاقتصادية لحركة الاحتجاجات الشعبية.

 

 

 

 

أنا مش هاطلع مليم واحد قبل ما أعرف الدنيا فيها ايه… مش لسه هيبقى في دمار وخراب أكتر … ولا الدنيا تقلب بحرب.

 

 

 

 

وكالات الانباء الروسية تفيد ان الرئيس الروسي ديمتري مدفيديف أعرب في اتصال هاتفي بنظيره المصري حسني مبارك عن امله في تسوية سلمية للازمة في مصر.

 

 

 

إحنا من الأول قلبنا معاكوا انتوا طول عمركوا حبايبنا… وبتمنى يا حسني إنك تعدي من الأزمة دي صح وأديك فقت واتعلمت وبدأت تعدل الدنيا… متأخر آه بس برضه الحق لمها بقة.

 

 

 

 

الخارجية الامريكية تندد على لسان المتحدث باسم وزارة الخارجية الاميركية فيليب كراولي بـما تسميه “الحملة المنسقة” ضد وسائل الاعلام الاجنبية التي تغطي الثورة الشعبية ضد نظام الرئيس المصري حسني مبارك.

 

 

 

وسائل الاعلام الاجنبية ولا الجواسيس والمدسوسين؟ وضح بس انت عاوز تقول ايه عشان نعرف نفهمك صح.

 

 

 

 

عناصر من قوى الامن الداخلي اللبناني تمنع عصر الخميس متظاهرين حاولوا الاقتراب من السفارة المصرية في بيروت وازالة الشريط الشائك المحيط بها.

 

 

 

 

سفارتنا في لبنان؟؟؟ طب وده اسمه ايه ان شاء الله؟ يا اخوانا عيب عليكوا ده إحنا مصر اللي ماكنتوش تقدروا تمشوا في شارع فيه واحد مصري… عاوزين تدخلوا سفارتنا على اى اساس؟ ولا ده برضه على سبيل المساعدات؟ طب إخلصوا من اللى عندكوا الاول.

 

 

 

 

وزيرة الخارجية الفرنسية ميشيل اليو ماري تقول لوكالة فرانس برس ان فرنسا لا تنوي في الوقت الحاضر “اجلاء” الفرنسيين المقيمين في مصر، داعية السلطات الى توفير الامن للمتظاهرين والصحافيين.وتؤكد: “يعود للمصريين وحدهم اختيار قادتهم وليس الخارج هو الذي يفعل ذلك”.

 

 

 

 

عين العقل… اول حد يتكلم عدل من أول ما بدأ الكلام للدرجة دي. تحية وتصفيق حار.

 

 

 

 

المستشارة الالمانية انجيلا ميركل ورئيس الحكومة الاسبانية خوسيه لويس ثاباتيرو يدعوان في مدريد الى انتقال سلمي للسلطة في مصر “في اسرع وقت ممكن”.

 

 

 

في أول العام القادم إن شاء الله تعالى 🙂

 

 

 

وكالة فيتش للتصنيف الائتماني تعلن انها خفضت درجة التصنيف المالي لمصر على غرار ما فعلت وكالتا موديز وستاندارد اند بورز اثر موجة الاحتجاجات “المكثفة جدا” في هذا البلد.

 

 

 

 

حلوة المكثقة جداً دي… الإقتصاد المصري بيتضرب يا أخوة يا مستثمرين إسحبوا إستثمارتكم… قللوا عمالاتكم… بيعوا أسهمكم… إهربوا برة مصر.

 

 

 

 

شركة موانئ دبي العالمية تعلن في بيان عن استئناف عملياتها في ميناء العين السخنة المصري الذي تديره بعد ان اوقفتها لفترة وجيزة بسبب حركة الاحتجاجات الواسعة المطالبة بسقوط النظام.

 

 

 

 

إحنا هنبدأ نكمل شغل… الناس المتظاهرين في التحرير مش هيعطلوا شغلنا في العين السخنة أكيد.

 

 

 

 

الرئيس الاميركي باراك اوباما يقول انه والشعب الاميركي يدعوان الله ان “تنعم مصر بغد افضل” وان يحقق شعب مصر تطلعاته بالحصول على قدر اكبر من حقوق الانسان والحرية.

 

 

 

 

انت بتسحب كلامك تاني… كدة تضارب يا برنس أوباما… انت بس عشان ريس جديد خبرتك مش جامدة وعاوز تلعب ع الطرفين…

 

 

 

 

احزاب سياسية تونسية معارضة سابقا والهيئة الوطنية للمحامين ترسل رسالة تضامن توجهها الى الشعب المصري وتعبر عن تضامنها مع ما تسميه “ثورة الشعب المصري ضد الاستبداد”.

 

 

 

 

إحنا كسبنا الثورة وإن شاء الله هنلاعبكم في النهائي… بس مش لازم نطبق الكتالوج بتاعكم بالظبط على رأي ” أحمد شفيق ” إحنا برضه عندنا رؤية وظروف مختلفة حبتين.

 

 

 

 

المتحدث باسم الاجهزة الامنية للسلطة الفلسطينية يعلن “حظرا على اي تجمعات لها علاقة بالاحداث في مصر او تونس”.

 

 

 

 

إحنا مش ناقصين… هي خربانة أصلاً من غيركوا فمش ناقصاكوا أبداً.

 

 

 

 

وزير خارجية دولة الامارات العربية المتحدة الشيخ عبد الله بن زايد آل نهيان يندد بما يسميه “استغلال بعض الدول المقيت والمخزي” لما يحدث في مصر. ويضيف خلال مؤتمر صحافي مشترك مع نظيره العراقي هوشيار زيباري في بغداد “لا شك كلنا كدول نحتاج الى تطوير واصلاح ونظام افضل تطورا اكثر تواصلا مع الشعب، لكن استغلال بعض الاطراف لما يحصل في مصر هو استغلال مقيت ومخز”.

 

 

 

 

برافو… مين ما بيحلمش بمصر في إقتصاد وجمال الإمارات؟ وعشان إنت راجل بتفهم بقولك برافو… وعشان كلنا بنحلم بمصر تكون في جمال الإمارات إقتصادياً واثق إن كلامك صح وانت بتثبت إن في ناس بتستغل الوضع.

 

 

 

 

منظمة “هيومن رايتس ووتش” تدعو الى تعليق المساعدة الدولية لقوى الامن الفلسطينية بعدما قامت الشرطة الفلسطينية مساء الاربعاء باستخدام القوة لتفريق تظاهرة تضامن مع الثورة الشعبية في مصر. وكانت الشرطة الفلسطينية قد قامت بتفريق تظاهرة اخرى في 30 كانون ثاني/يناير الماضي بالقوة شارك فيها العشرات من الاشخاص امام السفارة المصرية في رام الله.

 

 

 

إنتوا بتظهروا في أول أي مظاهرة تسخنوها وتحضروا الطريق للباقين يتكلموا وبعدين تختفوا؟

 

 

 

قادة كل من بريطانيا وفرنسا والمانيا وايطاليا واسبانيا يدعون في بيان مشترك الى البدء الفوري في العملية الانتقالية السياسية، منددين “بجميع من يستخدمون العنف او يشجعون عليه”. ويقولون في بيان مشترك وقع عليه كل من رئيس الوزراء البريطاني ديفيد كاميرون والرئيس الفرنسي نيكولا ساركوزي والمستشارة الالمانية انجيلا ميركل ورئيس الوزراء الايطالي سيلفيو برلوسكوني وبريطانيا والاسباني خوسيه لويس “اننا نراقب تدهور الاوضاع في مصر بقلق بالغ”. ويؤكد البيان على ان “عملية الانتقال يجب ان تبدأ الان”.

 

 

 

 

وأدينا كلنا جاهزين إنك تتنحى يا حسني… وبكرة جمعة الرحيل وبنقولك إمشي حالاً وسيبيها بقة سواء خرابة ولا مش خرابة.

 

 

 

 

الاتحاد الاوروبي يدعو الى مقاضاة المسؤولين عن اعمال العنف في القاهرة.

 

 

 

 

ماحنا هنعمل كدة… أمال يعنى هنسيبها تعدي كدة مرور الكرام مثلاً؟ هو انتوا لازم تحسسونا إننا بنعمل توجيهاتكم؟؟

 

 

 

 

المتحدث باسم الحكومة الفرنسية فرنسوا باروان يدعو الفرنسيين غير المضطرين الى البقاء في مصر “لسبب طارئ او ضرورة ملحة” للعودة الى بلادهم “في اسرع وقت”.

 

 

 

 

يا عم الست بتاعة الخارجية بتاعتكوا قالت كلام غير كدة خالص… كلمها بعد كدة على الموبايل أو ابعتلها ماسيج أو حتى سيبلها وال بوست ع الفيس قبل ما تتخبطوا في الآراء قدام العالم كله كدة.

 

 

 

 

الأمين العام للأمم المتحدة يعرب مجددا عن قلقة من الأوضاع في مصر ويدعو إلى ضبط النفس.

 

 

 

إنت كنت فين صحيح… يا ابنى النغمة دي أتغيرت بقالها 3 ايام… النغمة الجديدة لازم يرحل حالاً عشان طلب الشعب.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *