القوى الأجنبية وتدخلها لتصعيد الأزمة المصرية … اللي ما يشوفش من الغربال ( ج12)

إستكمالاً….

السبت, 5 فبراير:

 

المتحدث باسم مجلس الامن القومي الاميركي تومي فيتور يقول ان استقالة اعضاء هيئة المكتب السياسي في الحزب الوطني الديموقراطي الحاكم في مصر تشكل “مرحلة ايجابية نحو تغيير سياسي ضروري”. ويضيف “اننا ننتظر مبادرات اضافية”.

 

ده شكل مبارك طلع جامد قوي… وشكل الشعب فعلاً لازم يسمع الكلام ده… الراجل بدأ إصلاحات ومن يومها مش بيقف وكل يوم في تصليح وتعديل في كافة أوجه القوى السياسية في النظام الحاكم القديم . نبدأ نلم الليلة بقة عشان إحنا خسرنا مبارك بما فيه الكفاية وكنا فاكرينه هيرحل حالاً… لم الدور لم الدور.

 

مبعوث الرئيس الامريكي الخاص الى مصر فرانك ويسنر يؤكد ان مخاطر اندلاع العنف ما زالت محدقة بمصر ،بيد انه يرى في الوقت نفسه ان ثمة علامات بان البلاد تتحرك باتجاه حل سلمي للازمة.ويقول امام مؤتمر الامن في ميونيخ عبر اتصال مصور من واشنطن “ان ثمة فرصة للتحرك الى الامام في مصر، بيد ان الوضع مازال هشا ومن الممكن ان تتخذ الامور مسارا خاطئا .ولكن ثمة اتجاه واعد”.

 

الحكومة الجديدة كدة بدأت تعرف تسيطر فعلاً ع الوضع وشكل مصر هترجع زي الأول وأحسن كمان بعد التعديلات الجديدة اللى بتتعمل في البلد دي… عاوزين نلم الدور للآخر… هو آه لسه البلد ما استقرتش ولسه الامور معقدة لكن الحكومة الجديدة ماشية على طريق صح لحل أصعب أزمة مرت بيها مصر في تاريخها الحديث… وده عمل بطولى رهيب وناس زي دي لازم نرجع نحاول نكسبهم تاني.

 

رئيس الوزراء العراقي نوري المالكي يقول في تصريحات صحفية ان الشعب المصري “صاحب الحق الوحيد في تقرير ما يريده”، ويدعو داعمي مبارك ومعارضيه الى الحوار لمعالجة “المشاكل” في بلدهم.

 

ماشي يا باشا وماله…. عاوزك تشاور على طول على إن في إنقسام في صفوف الشعب وإحنا هنفضل نشاور أكتر إن إحنا في رباط إلى يوم القيامة.

 

وزير الخارجية الروسي سيرجي لافروف يعرب عن تأييده “للحوار” بين مختلف الأطراف للخروج من المأزق في مصر.

 

يعنى إنت شايف إن حكومتنا ماشية صح وان الراجل النائب بدأ ياخد خطوات صح؟ تأييد ده للموقف الحكومي الجديد المصري؟

 

المستشارة الألمانية أنجيلا ميركل تقول ان عملية نقل السلطة في مصر يجب ان تكون سلمية ومنظمة.

 

حتى إنتي يا إنجي بتلمى الليلة… إيه يا جدعان هو للدرجة دي إنتوا خفتوا على علاقاتكم مع مبارك بعد ما الحكومة الجديدة بتاعته وسياسة الاصلاح الجديدة نورت في دماغه وربنا هداه؟؟ إحنا لسه بنكرهه على فكرة بس مستحملينه غصب وأقتدار لحد ما تتنقل السلطة بس!

 

رئيس الوزراء البريطاني ديفيد كاميرون يقول انه يجب الاسراع في نقل السلطة الى قيادة جديدة والشروع في إجراء اصلاحات سياسية.

 

بيتهيألى اول مرة إنت تخفف من كلمة حالاً وفوري والكلام اللي بيتعمل في المايكروويف ده… بس بتحافظ على نغمة السرعة عشان تخفف رجلك من ع الدواسة واحدة واحدة… انا شايفك ومراقبك … وهراقبك!

 

وزيرة الخارجية الأمريكية هيلاري كلينتون تقول في ميونخ إن بلادها تدعم انتقال السلطة في مصر بشكل منظم “لكن بأسرع ما يمكن”.

 

ماهو انتى بالذات ما ينفعش تلمى الليلة بين يوم وليلة… لازم برضه بالتدريج انتوا لسه مش ضامنين ايه هيحصل… لكن خايفين كل مخطاطاتكوا تفشل بين يوم وليلة!

 

وكالة فرانس برس تنقل عن مصادر مقربة من رئيس الوزراء الفرنسي فرانسوا فيون أن باريس علقت مبيعات الأسلحة ومعدات الحفاظ على الأمن إلى مصر.

 

قصدك ايه بقة مش فاهم!!! يعنى انتوا مش عاوزين الشرطة عندنا ترجع تشتغل!!

 

مسيرات فلسطينية وصفت بالحاشدة وسط مدينة رام الله وفي كل من مدينتي بيت لحم والقدس الشرقية دعما للمتظاهرين في مصر.

 

ايه ده هو انتوا ما دريتوش… مش الكلام ده كان المفروض يحصل ما بين 25 ينار حتى 28 يناير… ده كدة متأخر قوي وعيب… بلاش منه الله يرضيكم

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *