القوى الأجنبية وتدخلها لتصعيد الأزمة المصرية … اللي ما يشوفش من الغربال ( ج14)

إستكمالاً…

 

الأثنين, 7 فبراير:

 

أمين عام حلف الناتو يحذر من ان استمرار الاضطرابات في مصر وتونس سيشجع الهجرة غير الشرعية الى اوروبا

 

ليك حق يا باشا… الشاب من دول الي ماكنش لاقي مستقبل في مصر زمان وبيهرب عشان مكسل يعمل حاجة في بلده… دلوقتي في ناس كتير مضطرة تهرب من جحيم المستقبل المجهول المخرب!!

الحكومة الالمانية تحظر تصدير اسلحة ضبط الأمن الى مصر فورا وحتى اشعار آخر بسبب انتهاكات حقوق الانسان التي شابت الاحتجاجات

 

يعنى من الآخر مهما الشرطة رجعت هيبقى عندها نقص حلوفي الذخيرة والسلاح… دي تاني بلد تعلق تصدير اسلحة ظبط الأمن لمصر لحد دلوقتي!

الرئيس اوباما يقول إن “تقدما” قد احرز في الحوار بين الحكومة المصرية والمعارضة

 

انت كنت هناك بصفتك مين يا اوباما؟؟ انت عمر سليمان متنكر ولا قوى سياسية مصرية معارضة؟؟ عموماً حلو إنك متابع معانا… ملاحظ إنك بقيت مبسوط دلوقتى وخففت من لهجة التحذير والتنديد وان مبارك يرحل حالاً!!!

 

 

منظمة هيومان رايتس ووتش تقول إنها تأكدت من أن نحو 300 شخص قتلوا إلى حد الآن في احتجاجات مصر لكن من المرجح أن تكون الحصيلة النهائية أعلى من ذلك بكثير.

 

هو 300 ده الرقم السحري؟؟؟ أنا من أول يوم كل يوم بسمع رقم 300 ده!! حتى في ثورة تونس كانوا بيقولوا 300 برضه دايماً !!

عموماً بسم الله ماشاء الله المصري اليوم والتليفزيون وكل القنوات ووائل غنيم وكلنا خالد سعيد وكل أهل مصر مش عرفوا الرقم… ده شافوا صور الشهداء ومختصر حياتهم كمان… اللهم إرحمهم وإحمى مصر بأرواحهم.

 

 

مجلة التايم الامريكية: “إن النظام قدم آخر ما عنده فى سلسلة من التنازلات، لأول مرة وبعد عقود من القمع القاسى”

 

إحضرينا يا ست تايم… مع إن عندنا مثل مصري بيقول ما تلحسوش كله بقة… لكن إحنا هنفضل نلحسه ومصرين على لحسه لآخر نقطة فيه عشان بعد كدة ينشف خالص عليه وعلينا كلنا!

 

صحف الإمارات: الوقوف مع مصر ضرورة وعودة الهدوء فى صالح الجميع

 

قولتلي في صالح مين؟؟؟ الجميع؟؟؟ وحشتني الكلمة دي والله من ساعة الانقسام الفكري وتداخل الآراء اللى بقالهم فترة دول!

 

“برس تى فى”: مظاهرة منددة بالرئيس مبارك فى أذربيجان

 

منورين والله… طب ما تيجوا ع التحرير.. بيتكم ومطرحكم

 

الصحف الأمريكية: كاتبة أمريكية تنتقد سياسة بلادها الخارجية التى تقول ما لا تفعل.. ومبارك يشعر بالغضب والخيانة ويحاول مقاومة الضغوط والحفاظ على الوضع الحالى

 

الغضب والخيانة من أمريكا طبعاً… وإن شاء الله اللرئيس اللى بعدك هينتقملك يا مبارك عشان كلنا زعلانين من التصريحات الامريكية من بداية الازمة لحد دلوقتى… ومش هتعدي كدة مرور الكرام… بس انت خليك في تعديل الدستور وبعدين احنا هنبقى نتفاهم مع امريكا وغيرها..

 

مدير “الجزيرة”: تغطيتنا للمظاهرات المصرية دعم للديمقراطية.. ونحن لا نتبنى الثورة

 

ما تخافش يا باشا… بيشوفوك في التحرير على بروجيكتور بطول دور كامل… يعني حلم ما كنتش تتخيله لا إنتا ولا قطر ولا اللي وراكوا!!

 

الصحافة الإسرائيلية: تل أبيب تبحث مع واشنطن سبب تخلى الإدارة الأمريكية عن مبارك..

 

طبعاً إنتوا خايفين أمريكا تتخلى عنكم في أي وقت زي ما اتخلت عن مبارك بين يوم وليلة وبدأت تضغط عليه وتدور على بدائل وتبهدله الدنيا برة وجوة!!

 

ألمانيا تبدى استعدادها لاستقبال مبارك بمستشفى “هايلدبرج” فى حال رحيله من مصر

 

كمان حددتوا المستشفى… لأ مش كدة كتير يا اخوانا ع الراجل يعني!! وبعدين هيجي يعمل ايه عندكوا لمدة 6 شهور ولا أكتر… هو عملها قبل كدة آه بس مش للدرجة دي ابعتولوا خطتكم المناسبة للهروب في مسج ماهما رجعوا الماسيجات… لكن كل شوية تفكروه بالخطة على الهوا كدة ينفع؟؟

ا

لجارديان:الإخوان المسلمون قوة لم يعد من الممكن تجاهلها

 

الإسلام هو الحل 🙂

 

روبرت فيسك : ويزنر مرتبط بأعمال قانونية مع الحكومة المصرية.. “ورأت الصحيفة أن التفسير الأكثر سخاء سيكون أن البيت الأبيض استدعى ويزنر من التقاعد دون أن يراجع عمله بما يكفى، أما التفسير الأقل سخاء فسيكون أن الولايات المتحدة من جديد تعمل على خدمة مصالحها سراً فى الشرق الأوسط. “

 

يعني المفروض أمريكا تبدأ تقول فوري ولحظي وانتقال في خلال ثواني من بكرة تاني؟؟

يا عم روبرت هو يعني ويزنر هو اللي اقنعهم!! هوا مبارك كدة كدة مش ماشى ما تقلقش, بس عجبتني الحتة بتاعة الاقل سخاءاً والأكثر سخاءاً دي… قال يعنى مش هيشوفوا السي في بتاعه قبل ما يجيبوه!!

 

صحيفة الديلى تليجراف أن الانتفاضة الشعبية ضد الرئيس مبارك تعثرت الأحد بدخول الإخوان المسلمين المفاوضات مع النظام وتراجع صفوف المتظاهرين بعد اعتقال بعض قادتهم.

 

قادة إيه بقة ما قولنا مافيش قادة!!! ولا انتوا بتتكلموا عن الصحفيين الاجانب المعتقلين؟؟

 

صحيفة ليبية: المنطقة تتعرض لاستهداف وإعادة ترتيب

 

لأ هي التجربة المصرية عجبتهم قوي بس هما ماكنوش مرتبين… كل الترتيبات بدأت من بعد ما بدأت التحركات في مصر بيومين تلاتة !

 

“لوس أنجلوس تايمز” ترصد عودة الحياة جزئياً لشوارع القاهرة.

تحيا مصر

 

الصحف الإسرائيلية تطمئن للبرادعى “رئيساً” بعد تمسكه بالسلام مع تل أبيب

 

برافو البرادعي عاوزك تفضل تلعب كدة زي الاهبل في الزفة… بتروح تتكلم مع اليهود يا ولدي!! ماكنش العشم !!

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *