القوى الأجنبية وتدخلها لتصعيد الأزمة المصرية … اللي ما يشوفش من الغربال ( ج15)

إستكمالاً….

 

الثلاثاء, 8 فبراير :

 

تنظيم القاعدة في العراق يدعو المتظاهرين في مصر الى “الجهاد” واقامة نظام حكم اسلامي، بحسب ما نقل عنه الموقع الاميركي لمراقبة المواقع الاسلامية(سايت).

 

ده علني كدة؟؟؟ طب ماحنا عارفين وشوفناكم بعنينا… لكن علني كدة ع الملأ هي بقت للدرجة دي؟؟

 

وزير الدفاع الفرنسي الان جوبيه يدعو في مؤتمر صحافي مشترك مع نظيره الامريكي الى الى انتقال ديمقراطي في مصر ويضيف “نامل ان تتم العملية من دون عنف و في اسرع وقت ايضا”.

 

ماهو إنتوا كدة بتسخنوا الشباب إنهم يكملوا… ولما يكملوا لازم هيحصل صدام… ولا انتوا رجعتوا لموضوع أسرع وقت للرجوع التدريجي لكلمة ” فوري وحالاً ” ؟

 

وزير الدفاع الأمريكي روبرت جيتس يشيد بتعامل الجيش المصري مع الاحتجاجات، مشيرا الى انه ابدى الكثير من ضبط النفس.

 

كان نفسك غنت تقدر تقلب الجيش على الشعب أو العكس… بس ما تقلقش كلنا إيد واحدة…

 

البيت الابيض يعلن ان نائب الرئيس الاميركي جو بايدن دعا في اتصال هاتفي مع نظيره المصري عمر سليمان الى توسيع الحوار حول العملية الانتقالية السياسية بحيث يشمل مجموعات اضافية من المعارضة المصرية.

 

عاوزين إيه أكتر من انه دخل الاخوة المسلمين وممثلين من شباب 25 يناير؟؟؟ يوسعها اكتر من كدة غنه يجيب أمريكان وفرنسيين وألمان وتراكوة وإيرانيين؟

 

البيت الابيض يدعو الى اتخاذ خطوات “فورية” و”لا رجعة فيها” باتجاه تطبيق الاصلاحات في مصر، بيد ان الناطق باسمه روبرت جيبس قال ان البيت الابيض لن يصدر تعليقات على جميع الخطوات التي تتخذ باتجاه التغير السياسي.

 

يا عم حد قالك إنه عيل صغير… حتى لو كان زمان الحكومة بتقول كلام وترجع فيه وتعمل التمثيلية… خلاص الشعب فاق… ومش محتاجين توجيهاتك للحكومة ويفضل إنك تلتزم الصمت زي ما بتقول بقة وتريحنا… واحنا إن شاء الله هنثق في التعديلات اللي بتحصل لأن كدة كدة كلها كام شهر وكل ده هيتعاد صياغته اكتر على نضافة.

 

الاتحاد الاوروبي يطالب بتطبيق اصلاحات “حقيقية” في تونس ومصر ومسؤولة الشؤون الخارجية في الاتحاد الاوروبي كاثرين اشتون تعرض مساعدة البلدين في مكافحة الفساد.

 

شكراً للمساعدات… ده عرض حلو ممكن تونس تقبل بيه… لكن إحنا كمصريين قادرين على اتمام الاصلاحات الحقيقة بإرادتنا كشعب وقوتنا على أداء كدة وضمانه… مش عاوزين تدخلاتهكم.

 

رئيس الاتحاد الاوروبي هيرمان فان رومبوي يعرب عن اسفه لعدم اتخاذ الاتحاد الاوروبي موقف موحد من احداث مصر وهذا ما انتقده بشدة زعماء الكتل السياسية الرئيسية في البرلمان الاوروبي.

 

ماهو مش كل القوى الموجودة في الإتحاد الاوروبي عندها أغراض إستعمارية… وبعدين الموضوع كان مغري وماحدش هيشارك حد في الكحكة… وبعدين ماهي امريكا نفسها مسئولينها تخبطوا في مواقفهم… ما بالك بقة بإتحاد أوروبي يا راجل… معلش ما تزعلش.. إبقى إلحقنا المرة الجاية.

 

رئيس الوزراء الفرنسي فرانسوا فيون يؤكد ان الرئيس المصري حسني مبارك وضع في تصرفه طائرة واستضافه خلال اجازته العائلية في مصر بمناسبة الميلاد الماضي.

 

نعم يعني؟؟؟ المفروض نفهم من كدة إن حسني مبارك كويس… ولا نفهم إنه كان بيصرف فلوس الشعب على سيادتك وأجازتك الكريمة في مصر؟؟؟ هو على أي حال مش وقت كلام ” ديوك “

 

نحو 500 شخص يشاركون في اعتصام أمام مبنى السفارة المصرية في عمان مؤيدين لتظاهرات الاحتجاج في مصر ومطالبين برحيل الرئيس حسني مبارك، بعد دعوة من النقابات المهنية الاردنية.

 

ياه… عمان… والله وحشنا الإسم ده هي لسه موجودة على الخريطة… اهلاً بيكم في الكرنفال المصري العربي الإفريقي العالمي

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *