القوى الأجنبية وتدخلها لتصعيد الأزمة المصرية … اللي ما يشوفش من الغربال ( ج16)

إستكمالاً….

الأربعاء, 9 فبراير

 

واشنطن تشجع على لسان المتحدث باسم الخارجية الاميركية فيليب كراولي الجيش المصري على مواصلة التحلي بضبط النفس بعد تلويح القاهرة بتدخل الجيش في حال حصول فوضى في البلاد.

 

يعني إنتوا عاوزينها تخرب حتى لو حصل فوضى… آدي الفوضى بتزيد يوم بعد يوم… نلحق بلدنا ولا نخاف منكم!! لأ هنحميها بأرواحنا ومش خايفين منكم يا أمريكان انتوا المتغطي بيكم عريان!

 

المتحدث باسم البيت الابيض روبرت جيبس يقول ان ما قدمته الحكومة المصرية حتى الان لا يلبي الحد الادنى من مطالب الشعب المصري.

 

أمال إيه الحد الأدنى لا مؤاخذة بقة؟ هو إنت يا روبرت مش إمبارح كنت بتقول مش هتعلق تاني على أي حاجة من خطوات مصر للإصلاح السياسي… وبعدين هو إنت ايه عرفك بطلبات المصريين؟

 

تجمع مئات المتظاهرين وسط مدريد تضامنا مع تظاهرات الاحتجاج في مصر المناهضة للرئيس المصري حسني مبارك والمطالبة برحيله، وردد المتطاهرون هتافات مثل “فلتسقط الديكتاتورية”.

 

مش هيمشي… وخليكوا في حالكوا… احنا ع الاقل جمهورية شعبية ومطالب الشعب بتتحقق.

 

وزارة الخارجية الفرنسية تعلن في زاوية النصائح الى المسافرين التي تقدمها على موقعها الالكتروني بأن رعاياها الذين غادروا مصر بسبب الاضطرابات التي شهدتها “بامكانهم تحضير” عودتهم الى هذا البلد الذي رأت فيه “مؤشرات الى عودة النشاطات”.

 

ايه ده ؟ لأ ما تقولوش… إنتوا خلاص اتإكدتوا ان ماحدش يقدر يهجم على مصر وان مصر محمية ضد أي حرب برجالتها؟

 

الرئيس المصري حسني مبارك يستقبل المبعوث الروسي للشرق الاوسط الكسندر سلطانونف في ثاني لقاء يعقده مبارك مع مسؤول رسمي اجنبي منذ اندلاع تظاهرات الاحتجاج في 25 يناير المطالبة برحيلة كما افادت وكالة انباء الشرق الاوسط.

 

أهلاً بالحبايب والحلفاء… فعلاً إحنا محتاجين زيارات الأصدقاء في ظل الازمة العالمية دي..

 

منشق صيني يقول لوكالة فرانس برس ان الشرطة منعت في جنوب غرب الصين مدافعين عن حقوق الانسان من توزيع منشورات تطلع السكان على التحركات الاحتجاجية الجارية في مصر.

 

كان ليك حق تنشق وتفضح تحركاتهم…. كله عاوز مصر تولع وبيوزعوا المنشورات في الخارج كمان

 

وزير الخارجية البريطاني وليام هيج يحذر من أن جهود تحقيق السلام بين اسرائيل والفلسطينيين قد تتعثر بسبب موجة الاحتجاجات التي تجتاح العالم العربي.

 

ما تخافش هنرجع مصر بقوتنا ونقود عملية السلام من تاني سواء بمبارك او من غيره… وماتخافش على اسرائيل هما دي أحسن فرصة ليهم يبعتوا جواسيسهم ومخابراتهم للبلاد العربية يستخبوا وسط الفوضى ويجيبوا كل المعلومات

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *