القوى الأجنبية وتدخلها لتصعيد الأزمة المصرية … اللي ما يشوفش من الغربال ( ج17)

إستكمالاً….

 

 

الخميس, 10 فبراير :

 

 

 

 

 

 

 

اوباما في خطاب من ميشغان يقول اننا نتابع الاحداث في مصرعن كثب وسيكون لنا ما نقوله بعد ان تنجلي الاحداث، مضيفا اننا نشهد تاريخا يتشكل امامنا. ويؤكد “نريد من كل المصريين ان يعرفوا ان مريكا ستعمل كل ما في وسعها لدعم عملية انتقال حقيقية الى الديمقراطية في مصر”.

 

 

 

 

 

 

 

وأحبك تعرف يا أوباما إن المصريين مش محتاجين دعم امريكا… وأبقى اتفرج على بيان مبارك عشان إنت شكلك مش هيبقى ليك ما تقوله بعد ان تنجلي الأحداث غير ” عدس “

 

 

 

 

 

 

 

وزير الخارجية البريطاني وليام هيج يقول في المنامة ان مصر بحاجة الى انتقال منظم للسلطة يتضمن تشكيل “حكومة ذات قاعدة واسعة”.

 

 

 

 

 

 

 

يا عم وليام الانتقال المنظم جاري العمل عليه… بالنسبة للحكومة أم ” قاعدة موسعة ” فإن شاء الله هنعملك حاضر

 

 

 

 

 

 

 

اوباما يقول في ردا على سؤال من الصحفيين عن الاوضاع في مصر “سننتظر لنرى ما الذي سيحدث؟”

 

 

 

 

 

 

 

ايوة اقعد كدة بقة اشربلك كوباية لبن بحليب على ما احنا نخلص امورنا الداخلية وإصلاحتنا وتغييراتنا وإبقى قابلنا اول 2012 عشان إحنا مش عاوزين منكم حاجة.

 

 

 

 

 

 

 

البيت الابيض يقول انه يراقب عن كثب الموقف المتقلب في مصر. والمتحدث باسم البيت الابيض روبرت جيبس يقول انه جرى اطلاع الرئيس الامريكي باراك اوباما

 

 

 

على “الوضع المتقلب” السائد في مصر خلال تنقله عبر طائرته في شمال الولايات المتحدة، رافضا التعليق على امكانية تنحي الرئيس حسني مبارك واوضح المتحدث “اننا نتابع وضعا شديد التقلب. الرئيس يشاهد الشيء نفسه” عبر شاشات التلفزيون. وقال انه لا يريد التكهن بما سيحصل من احداث مساء الخميس في مصر.

 

 

 

 

 

 

 

عشان شكله ما يبقاش وحش أكتر من كدة… الحاج أوباما قال مش هاقول إنه هيتنحى… بس أدينا بنشير إن الموضوع فيه إنقلاب عشان الناس كلها تضغط على مبارك إنه يتنحى بقة.

 

 

 

 

 

 

 

أ ف ب :رئيس الاستخبارات المركزية الامريكية يقول انه تلقى تقارير تشير الى ان ثمة احتمال قوي لتنحي مبارك الليلة.

 

 

 

 

 

 

 

والجرايد تكتب وراك وكل المصريين يكلموا بعض وماسيجات ع الموبايلات واحتفالات في التحرير وكانك إنت المصدر الوحيد الموثوق منه في البلد! آه نسيت إنت اصلاً مش من بلدنا!! إنت جاي تعمل ايه هنا؟ والتقارير دي وصلتلك من جواسيسك اللي زرعتهم وسط الفوضى؟

 

 

 

 

 

 

 

متحدث باسم رئيس الوزراء البريطاني يقول ثمة حاجة ملحة للتغيير في مصر.

 

 

 

 

 

 

 

ما ترسالك على حل بقة يا عم الرأي السياسي البريطاني… إنتوا بتغيروا كلامكوا كل ساعة ولا ايه… عموماً مصر إختارت طعم الجمبري… تاخد؟

 

 

 

 

 

 

 

البيت الأبيض يعلن أن الرئيس باراك أوباما أجرى اتصالا هاتفيا بالعاهل السعودي عبد الله بن عبد العزيز بشأن الأوضاع في مصر.

 

 

 

 

 

 

 

كلم قواعدك هناك وخليهم ياخدوا إستعداداتهم … بس أكيد عبد الله بن عبد العزيز قالك إن مصر صعبة قوي عليك.

 

 

 

 

 

 

 

البيت الأبيض يعلن ان وزير الدفاع الاسرائيلي ايهود باراك بحث في البيت الابيض الازمة المصرية مع مسؤولين امريكيين من بينهم نظيره روبرت جيتس ووزيرة الخارجية هيلاري كلينتون.

 

 

 

 

 

 

 

انت رايح تعيطلهم هناك؟ مانت عمال تحشد جيوشك ع الحدود وباعت جواسيسك هنا وهناك… وعمال تقول إنك جاهز للحرب لحفظ معاهدة السلام… ولا بترتبوا تقسيم التورتة بعد ما المؤامرة تخلص بتنحي فوري لمبارك؟

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *