القوى الأجنبية وتدخلها لتصعيد الأزمة المصرية … اللي ما يشوفش من الغربال ( ج18)

إستكمالاً…

الجمعة, 11 فبراير :

الحكومة التونسية تحيي في بيان لخارجيتها “نضال الشعب المصري وتضحيات شهدائه” وتشيد بدور الجيش المصري في حماية البلاد.

 

إخواتنا اللي ساعدتونا كتير جداً… وإحنا إتعلمنا منكم أكتر وأكتر… وضعنا كان مختلف عنكم كتير ولسه مختلف … عشان كدة الأمور عندنا كان لازم تتم بشكل مختلف… لكن على أي حال ألف تحية وتقدير وشكر…. وإن شاء الله تكملوها ونكملها على خير..

 

ارتفاع في مؤشرات اسعار الاسهم الاوروبية وسندات الخزينة الامريكية بعد تنحي مبارك.

 

بصراحة أنا شخصياً مش فاهم العلاقة بين الاتنين… بس أعرف إن مصر بتأثر في العالم كله من أيام الإمبراطورية الرومانية… بس محتاج أدور على تفسير.

 

المتحدث باسم البيت الابيض روبرت جيبس يقول ان أوباما عقد اجتماعا دام حوالي ساعة مع مجلس الأمن القومي بعد الاعلان عن تنحي مبارك. ويصف تنحي مبارك بالقول “هذه الخطوة هي البداية و ليست النهاية” مؤكدا على انه ينبغي على الحكومة المصرية المقبلة الاعتراف بالاتفاقات الموقعة بين مصر و اسرائيل.

 

هي فعلاً ما تعتبرش نهاية بالعكس دي بداية… وإن شاء الله تكون بداية خير رغم أي شيء ونقدر نتغلب على الأيام الصعبة اللي لسه فاضلة وهنمر بيها..

بس يا اوباما هو الإجتماع كان ليه؟؟ وبعدين مش شايف إننا خدنا كتير قوي من وقتك انت ومجلسك للأمن القومي ومستشارينك للأمن القومي؟؟

 

وزارة الخارجية الاردنية تقول في بيان لها ان الحكومة الاردنية تعبر عن احترامها الكبير لشعب مصر وخيارته الحرة المستقلة.

 

شكراً…

 

مئات الفلسطينيين يحتفلون وسط مدينة رام الله في الضفة الغربية بتنحي الرئيس المصري حسني مبارك، ويوزعون الحلوى وهم يهتفون “تحيا مصر”.

 

إحتفلوا أكتر واكتر…

 

الحكومة السودانية تعلن في بيان رسمي عن ترحيبها واحترامها لخيار وإرادة الشعب المصري وتحقيق تطلعاته المشروعة في الكرامة و الحرية والاستقرار والسلام. وتؤكد على “أن انتقال السلطة السلمي إلي المجلس الأعلى للقوات المسلحة يعبر عن إرادة وطنية خالصة نرجو أن تفضي إلي تحقيق التطلعات المشروعة للشعب المصري”.

 

الإرادة الوطنية الخالصة دي لمبارك؟؟

 

الرئيس الفرنسي نيكولا ساركوزي يرحب بقرار الرئيس مبارك “الشجاع والضروري” بالتنحي معربا عن الامل في ان تنظم السلطات المصرية الجديدة انتخابات “حرة وشفافة” تنبثق عنها مؤسسات ديموقراطية.

 

بيانات مبارك وقراراته في آخر الأيام كانت مذهلة ورائعة فعلاً يا ساركوزي من الناحية السياسية وقمة في الحكمة والترتيب… وإن شاء الله الإنتخابات القادمة ستكون حرة وشفافة جداً وهيشارك فيها الشعب المصري كله.

 

رئيس لجنة العلاقات الخارجية لدى مجلس الشيوخ السيناتور جون كيري يقول ان الشعب المصري حاز اليوم على فرصة للعمل على بداية جديدة و يدعو الجيش المصري الى الاستماع الى مطالب الشعب و الغاء قانون الطوارئ و العمل على توضيح جدول زمني من أجل عقد انتخابات ذات مصداقية.

 

على فكرة ده الجيش بقة… يعني مش محتاج تملياتك… وبعدين مش مبارك في آخر بيان رسمي ليه قالكوا كلكوا تطلعوا منها وإن مصر مش بتتلقى توجيهات؟

 

مفوضة شؤون السياسة الخارجية في الاتحاد الأوربي كاثرين اشتون تقول انها تحترم قرار الرئيس المصري حسني مبارك بالتنحي وتدعو الى الحوار لتشكيل حكومة موسعة.وتؤكد دعم الاتحاد الاوروبي لهدف الشعب المصري من أجل انتقال منظم وسلمي للسلطة الى الديمقراطية وانتخابات حرة ونزيهة في مصر.

 

انتوا بتحلموا طبعاً بإشرافكم على الإنتخابات المقبلة!! وانتى كان نفسك تزوري مصر الاسبوع ده… هتيجي بقة ولا خلاص الحجة راحت؟

 

الإعلان عن أن الرئيس الأمريكي باراك أوباما سيلقي كلمة حول التطورات في مصر. والمتحدث باسم البيت الابيض تومي فيتور يقول ان اوباما “ابلغ بقرار الرئيس مبارك الاستقالة عندما كان يشارك في اجتماع في المكتب البيضوي” صباح الجمعة.

 

طب ما طلعش أوباما ليه قال هو البيان؟

 

الامين العام للامم المتحدة بان كي مون يرحب بتنحي الرئيس المصري مبارك, مؤكدا ان “ويقول في بيان تلاه امام الصحافيين “لقد اسمع الشعب المصري صوته خصوصا الشباب الذين يعود اليهم ان يحددوا مستقبل بلدهم”.

 

واضح ان مندوبنا اللي جالك عشان يقولك طريقة كلامك مش عاجبانا عرف يظبط لهجتك ونبرة صوتك كويس يا مون مون.

 

الحكومة السويسرية تقررالتجميد الفوري لاي حسابات يملكها الرئيس المصري حسني مبارك والمقربون منه في الكونفدرالية.والخارجية السويسرية تقول ان هذا القرار يهدف الى “تفادي اي اختلاس لاموال تعود الى الدولة المصرية”.

 

جميل الكلام ده… وإحنا إن شاء الله عاجلاً أو آجلاً هنبدأ التحقيق حول مصادر ثروة الرئيس السابق… وبخاصة إن قضية العادلي هتجر في الرجلين كل الناس.

 

تجمع حوالي العشرات امام السفارة المصرية في بيروت للاحتفال بتنحي مبارك واطلاق العاب نارية في سماء العاصمة اللبنانية كما اطلقت اعيرة نارية في الهواء ابتهاجا في الضاحية الجنوبية.

 

ألف مبروك على الكل الحرية… نتمنى بقة لو كان فيكم مصريين حقيقيين يرجعوا مصر عشان نطور ونبني فيها كلنا سوا من تاني… مص محتاجة ولادها اليومين دول جداً….

 

نائب الرئيس الاميركي جو بايدن يصف في اول رد فعل رسمي اميركي على تنحي مبارك، بأنه “يوم تاريخي” لمصر واكد ان الاستقالة ستفضي الى ارساء الديموقراطية في هذا البلد.

 

إن شاء الله… رغم إننا بنخضع لحكم عسكري حالياً بعد التنحي… لكن إن شاء الله مش هيطول

 

مراسل بي بي سي في اليمن : آلاف اليمنيين يخرجون الى الشوارع في صنعاء وعدد من المدن اليمنية ابتهاجا برحيل مبارك والمواطنون في المحافظات ويطلقون الأعيرة والألعاب النارية تعبيرا عن فرحتهم بنجاح الثورة المصرية.

 

يالا يا يمن… دورك إنتى كمان عندك ديكتاتور!

 

وزير الخارجية التركي يهنئ في رسالة على موقع تويتر الشعب المصري ويقول ان بلاده تامل ان تؤدي استقالة الرئيس حسني مبارك الى تشكيل حكومة جديدة تستجيب لتطلعات الشعب المصري.

 

فعلاً دي الطريقة الأمثل للتواصل مع شعب مصر دلوقتي… إحنا لسه تحت الحكم العسكري من وقتها ولحد لحظة كتابة المقال ده… ولسه ما نعرفش قيادة الجيش ناوية على ايه..

 

رئيس الوزراء البريطاني ديفيد كاميرون يقول انه “ينبغي الانتقال الى حكومة مدنية وديموقراطية” في مصرن بعد الاعلان عن استقالة الرئيس المصري مبارك.

 

يا عم ماهو ده اللي كنا بنحلم بيه… بس إنتوا قعدتوا تضغطوا لحد ما الراجل تنحى وسابها في حكم عسكري عشان ما تخربش… بإذن الله هنخلص من فترة الإصلاحات وتعديلات الدستور وبعدها بقة نرجع للحكم المدني الديموقراطي… إن ماكنش للجيش رأي تاني!!

 

نحو 500 شخص يتظاهرون امام مقر السفارة المصرية في عمان، بينهم مصريون احتفاء بتنحي الرئيس المصري حسني مبارك عن السلطة ويوزعون الحلوى على المارة.

 

بالهنا والشفا يا رب

 

اسماعيل هنية رئيس حكومة حماس في غزة يصدر بيانا يعتبر فيه “أن مصر تكتب الآن تاريخا جديدا للامة وان الحصار على غزة بدأ يترنح”.والمتحدث باسم حركة حماس يدعو القيادة المصرية الجديدة الى رفع الحصار عن قطاع غزة وفتح معبر رفح بالكامل.

 

فتح معبر رفح بالكامل!!! إذا كان كدة ورفح متبهدلة!! هو انتوا فاكرين إن بتنحي مبارك بقة هنسيبكوا تدخلوا على رفح!!

حسني مبارك سابها للجيش عشان هو عارف إن اللي زيكوا مستني لحظة تنحيه!

 

المئات من الفلسطينيين يخرجون في تظاهرات فرح في شوارع غزة وجباليا وخان يونس ابتهاجا بقرار الرئيس المصري التنحي عن السلطة، ويطلقون النار في الهواء.

 

طب ماكنتوا تطلقوا النار ده على العساكر الإسرائيلية وتقولوا جت غلط؟

 

ألمانيا ترى ان خطاب مبارك لم يكن الخطوة المرجوة، وانه لن يؤدي الى تخفيف حدة التوتر في مصر.

 

خلاص يا ألمانيا الشعب المصري كله بيحتفل… الضغط جاب نتيجة!

 

التلفزيون الفارسي في بي بي سي يقول ان بثه اوقف في ايران عقب تغطيته للاحداث في مصر.

 

ده عشان ايران بتكره مصر ولا خوفاً من الحكومة الايرانية ليتكرر معاها الحدث من الشباب الإيراني؟

 

وزير الخارجية البريطاني وليام هيج يعرب عن قلقه الشديد ازاء الوضع في مصر والذي وصفه بانه خطير، ويؤكد على ضرورة التزام المتظاهرين بضبط النفس.

 

هوا المتظاهرين كانوا ملتزمين بضبط النفس… مبارك ما استحملش الضغط عليه أكتر من كدة خاصة بعد آخر بيان.

 

الرئيس الايراني محمود احمدي نجاد يصف احداث مصر بانها حالة مد لليقظة، ويقول ان الشرق الأوسط سيتحرر قريبا من الولايات المتحدة وإسرائيل.

 

هيتحرر إزاي؟؟ نعمل وقفةت إحتجاجية كاملة عربية في ميدان التحرير الأمريكي؟

 

متحدث باسم الحكومة الالمانية يقول ان ما جاء في خطاب الرئيس المصري حسني مبارك غير كاف لتبديد قلق برلين من تفاقم الاوضاع في مصر.

 

الوضع تفاقم بالفعل… ومبارك تنحى ومصر تحت حكم عسكري حالياً.

 

وزير الدفاع الاسرائيلي ايهود بارك يقول ان منطقة الشرق الاوسط ستكون معرضة لكارثة لو وصلت جماعة الاخوان المسلمين للسلطة في مصر.

 

خلوا مخابراتكم تشتغل كويس شويتين… آه الإخوان كان ليهم دور كبير في اللي حصل طوال الاسبوعين الماضيين… لكن الشباب المصري حالياً مدرك كافة الجهات اللي كانت بتتدخل ولو إتعملت إنتخابات نزيهة فعلاً عمرنا ما هنسلمها للإخوان!

 

بيان للبيت الأبيض أكد فيه الرئيس أوباما أن الحكومة المصرية أضاعت فرصة التوصل إلى حل يتيح تحقيق ديمقراطية صادقة، ودعا البيان الحكومة المصرية الى التحرك بسرعة لتفسير التغييرات التي تعتزم إتخاذها، وشرح العملية الإنتقالية بلغة واضحة لا لبس فيها.

 

دي كانت بعد القلم اللي خدته من بيان مبارك اللي كان موجه ليكم مخصوص مع تهنئة وتحية… واللي شعبك كله من كتابه ومفكرينه ونبض الشارع نفسه كان بيتريق عليك بعدها وعلى الموقف البايخ اللي حطيت نفسك فيه… عموماً حصل خير والراجل تنحى!!

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *