القوى الأجنبية وتدخلها لتصعيد الأزمة المصرية – اللي ما يشوفش من الغربال ( ج2 )

إستكمالاً…

 

 

الأربعاء، 26 يناير

 

 

 

واشنطن تدعو كل الأطراف في مصر الى الهدوء والتحلي بضبط النفس لتجنب العنف والمتحدث باسم وزارة الخارجية جيه.بي. كراولي يقول ” تساند الولايات المتحدة الحق الاساسي في التعبير عن الرأي والتجمع لكل الشعوب. ويجب على كل الاطراف ان تتحلى بضبط النفس وندعو السلطات المصرية الى التعامل مع هذه الاحتجاجات بشكل سلمي”. ويضيف ان امام الحكومة المصرية فرصة مهمة للاستجابة لتطلعات الشعب والعمل على تحقيق اصلاحات سياسية واقتصادية واجتماعية.

 

 

 

يا رجالة روقوا كدة عشان ما نزعلش حد… إحنا كدة محتارين بصراحة ندخل بحجة فرض الامن والديموقراطية اللي ضايعة من المتظاهرين… ولا ندخل بحجة حفظ الإستقرار ومساندة النظام المصري المستقر… بس عموماً بنقول للسلطة المصرية الحلوة إنكوا تحاولوا تسمعوا الرجالة اللى بتصوت في الشوارع دي وتشوفوهم عاوزين إيه عشان المركب تمشي وتعدوا الأمور عشان مش طالبة وجع دماغ.

 

 

 

وزيرة الخارجية الفرنسية ميشال آليو-ماري تعرب عن أسفها لسقوط قتلى في التظاهرات التي شهدتها مصر الثلاثاء ووتقول ان سياسة فرنسا التي تدعو “الى مزيد من الديموقراطية في كل الدول”.

 

 

 

 

هو برة عننا أي حاجة بتحصل في أي حتة … بس إحنا نحب نشير إن في ناس ماتت عشان الناس اللى ما تعرفش تعرف واللي ما يشتري يتفرج وإحنا بلد الحرية والقانون وبنقول إننا عاوزين كل البلاد مهما كانت تعمل زينا عشان كدة ما ينفعش الله!

 

 

 

 

الرئيس الامريكي باراك اوباما يغفل الاشارة في خطابه حول حالة الاتحاد الى الاوضاع في مصر ويقول ان الولايات المتحدة تقف الى جانب شعب تونس “حيث أثبتت ارادة الشعب أنها أقوى من ارادة الحاكم المستبد” اذ أجبرت احتجاجات شعبية هذا الشهر الرئيس زين العابدين بن على على الرحيل.

 

 

 

انا مش هاتكلم في موضوع مصر ده عشان لسه رجالتى ما كملوش البحوث والملفات لسه ما اتحطتش قدامى ومش عاوز أخسر مبارك ورجالتنا اللي في مصر قبل ما أعرف الحكاية هتخلص على إيه… الكفة لحد دلوقتى ما مالتش ناحية أي حد وانا لازم دايماً أقف مع الكفة الكسبانة واللي ضامن 100% إنها تغلب عشان شكلي ما يبقاش وحش… بس أحب أرمي كدة ع المستغطي إن اللي حصل في تونس ممكن يحصل في مصر وساعتها بقة هيبقى وقع العجل وهتكتر السكاكين يا معلم وهتبقى آخر حلاوة… أما نشوف ايه اللى هيحصل في آخرتها معاكوا.

 

 

 

 

 

 

 

 

 

 

 

 

 

 

 

 

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *