القوى الأجنبية وتدخلها لتصعيد الأزمة المصرية – اللي ما يشوفش من الغربال ( ج3 )

إستكمالاً…

الخميس, 27 يناير: 

اسهم بعض الشركات في مصر تنخفض في بورصة لندن ومنها شركة سينتامين ايجيبت لتعدين الذهب وشركة سركل أويل للنفط ومركزها مصر. وشركة سينتامين التي هوت اسهمها بنسبة 7.8 بالمئة تقول إن انتاج الذهب في مصر لم يتأثر بالاضطرابات. 

 شكل مصر داخلة على انهيار اقتصادي هي وشركاتها يا رجالة… فكروا كدة قبل ما تستثمروا هناك اليومين دول واللي ليه حاجة هناك يلحق يشيلها بسرعة 

وزير الخارجية البريطاني وليم هيج يقول: “من المهم بالنسبة للحكومة المصرية في هذا الموقف ان تستجيب ايجابيا للمطالب (الشعبية) الشرعية للاصلاح وان تتخذ الخطوات الكفيلة بتعزيز الانفتاح والشفافية والحريات السياسية. هذه نصيحتي للزعماء المصريين وسواهم في العالم العربي”. 

فوق يا مبارك إنت ورجالتك عشان ما يحصلكش زي بن علي كدة… وبعدين الموضوع محتاج حرية سياسية وشفافية امال إيه؟ مش طول عمرنا بنقولك كدة.. ركز بقة يا عم وانجز. 

السفير الاسرائيلي السابق لدى مصر جدعون بن عامي يقول في تصريحات صحفية إنه يتوقع ان تنجح الحكومة المصرية في قمع الاحتجاجات التي تعصف بالبلاد ويضيف إنه لا يتوقع ان تتكرر الانتفاضة الشعبية التي شهدتها تونس مؤخرا في مصر 

إن شاء الله مبارك هيعرف يحافظ على الليلة سليمة عشان برضه في بيننا معاهدات سلام وفي بيننا غاز بيتصدر وتطبيع واليومين دول مش ناقصة نلاقي المصريين بيقلبوا علينا وندخل في حرب معاهم إحنا مش قد الأسد المصري لما بيفوق وكلنا بنرتعش وبندعى ربنا ما فيش حاجة تحصل ويكتموا الشباب قبل ما ياكلهم وياكلنا معاهم. 

الولايات المتحدة تحث السلطات المصرية على تطبيق إصلاحات سياسية واقتصادية في ظل استمرار الاحتجاجات المناوئة للحكومة المصرية ووزيرة الخارجية الأمريكية، هيلاري كلينتون، تقول إن أمام الحكومة المصرية فرصة للاستجابة لما وصفته “بالمطالب والتطلعات الشرعية للشعب المصري” مشددة على إن الاحتجاجات السلمية لا يجب أن تقمع. 

عاوزاك تنقل ورايا كلمة المطالب والتطلعات الشرعية دي عشان ما نزعلش منك وانت عارف زعلنا مش وحش… ولتانى مرة بقولك ما تخليناش نيجي عشان نعمل امان وديموقراطية للمواطن المصري إنه يتظاهر بسلمية. 

وزير الخارجية السوري وليد المعلم يعبر عن امل بلاده في ان “تتغلب لغة العقل” في مصر.ويقول في مؤتمر صحفي مشترك مع نظيره البريطاني الزائر وليم هيغ: “نحن نتابع، كما تتابعون انتم، تطور الاحداث في تونس ومصر، ونأسف لسقوط الضحايا في صفوف المحتجين ورجال الشرطة”. 

  

لألألأ كدة هيبقوا اتنين واحدة م الغرب وواحدة في القلب وشكل الفايروس هيقرب مننا إحنا كمان.. ركزوا كدة يا اللي ماسكين مصر عشان لو انتوا كمان حصل عندكوا كدة هتبقى فورة بقة وماحدش هيعرف يوقف العرب لحد ما يبقى اسمها ثورة عربية كاملة وشاملة… وبيني وبينك هي فرصة سوريا كمان تتكلم يعني هو إشمعنا إحنا!

 

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *