القوى الأجنبية وتدخلها لتصعيد الأزمة المصرية – اللي ما يشوفش من الغربال ( ج4 )

إستكمالاً…

 

 

الجمعة 28 يناير :

 

 

 

الولايات المتحدة تدعو إلى وقف العنف، والمتحدث باسم البيت الأبيض روبرت جيبس يقول إن بلاده ستراجع مساعداتها إلى مصر علي ضوء تطورات الأحداث خلال الأيام القادمة.

 

لحظة بقة انتى يا كلينتون عشان الموضوع محتاج كلمة من طرف أعلى منك… اديها ولعت…. إحنا هنوقف المعونة يا مبارك لو ما اتصرفتش حالاً عشان اللي بيحصل ده كدة فوق طاقتك وإحنا لازم نتدخل وأخيراً لقينالها مدخل… دي مصر دي كانت صعبة علينا قوي ودي فرصة عمرنا.

 

 

 

منظمة “هيومان رايتس ووتش” تعلن أن الشرطة المصرية تفرط في استخدام القوة ضد المتظاهرين المعارضين لنظام الرئيس حسني مبارك” بشكل غير مقبول وغير متناسب بتاتا”. وتطالب السلطات المصرية بالتحقيق في المعلومات التي تتحدث عن استخدام مفرط للقوة من جانب الشرطة والعمل على محاسبة المسؤولين عن هذه الأعمال”.

 

 

 

احنا مراقبين كل حاجة وخدنا اوامر اننا نقول إن اللى بيحصل ده مش صح ونندد ونشجب ونعترض عشان نفتح الطريق لأمريكا إنها تنور مصر في زيارة عاجلة كدة وتعمل ما بدا لها عشان انتوا ظالمين لحقوق الانسان والديموقراطية ومقضينها عنف ع المتظاهرين الغلابة السلميين واحنا ساكتينلكم من بدري عشان ما كناش قادرين نتكلم لكن دلوقتى نقدر نتكلم بعد 3 ايام ساكتين عشان خدنا الجرين لايت.

 

 

 

الرئيس الامريكي اوباما يناشد السلطات المصرية الابتعاد عن استخدام العنف ضد المتظاهرين، ويقول انه حث مبارك على اجراء المزيد من الاصلاحات السياسية والاقتصادية وانه طالبه باتخاذ خطوات ملموسة لاعطاء الشعب مزيدا من الحقوق وذلك خلال اتصال هاتفي بينهما.

 

 

 

الموضوع كبر أكتر وأركن يا عم المتحدث بإسم البيت الأبيض ده انا هاطلع بنفسي واعرفهم ان كدة ما يصحش وعيب عليهم استخدام العنف… قال يعنى العنف بدأ يوم الجمعة وماكنش موجود من يوم التلات… بس انا بقة طلبت معايا دلوقتى لما اتأكدت أنك واقع واقع ومش هتعرف ترد عليا يا مبارك… ولو إتكلمت كلمة كمان ولا شوفت عساكرك بتضرب في الشباب الغلبان هاجي أقولك كدة عيب انت وعساكرك.

 

 

 

العضو الجمهوري في مجلس الشيوخ الأمريكي جون ماكين يصدر بيانا يصف فيه رد الحكومة المصرية على التظاهرات بالمقلق، ويضيف أنه ليس للجيش المصري اي دور يلعبه لحل الوضع.

 

 

 

 

ما تصدقوش يا اخوانا اللي طلع يقولهولكوا في البيان ده انتوا لازم تفضلوا قلقانين… وبعدين جيش ايه اللى انتوا فرحانين بيه ده مالوش أي لازمة… كملوا يا شباب انتوا بس واوعى تقفوا ولو لحظة عشان انتوا لو وقفتوا دلوقتى هتبقوا عملتوا الصح لكن احنا عاوزينكوا تكملوا للآخر عشان تدولنا فرص أكبر وأكبر

 

 

 

 

المتحدث باسم البيت الأبيض يدعو إلى وقف العنف وضبط النفس في مصر ويقول إن بلاده تراقب الوضع وستراجع موقفها طبقا للأحداث التي تقع في الأيام القادمة.

 

 

 

 

أظبطوا نفسكوا يا جماعة… واحنا لسه بندرس ملفكوا عشان ما كانش جاهز بالطريقة دي بصراحة… إحنا كان مدخلنا طول عمرنا الفتنة الطائفية والإرهاب لكن موضوع العنف ضد المتظاهرين ومظاهرات اسقاط الحكم دي كانت جديدة علينا!

 

 

 

 

سليل شيتي السكرتير العام لمنظمة العفو الدولية يعلن أن بعثة من المنظمة في طريقها إلى مصر للوقوف على حقيقة وضع حقوق الإنسان هناك، ودعا شيتي في لقاء مع بي بي سي الحكومة المصرية إلى احترام حقوق الإنسان كما دعا القادة الغربيين في منتدى دافوس إلى الضغط على الحكومة المصرية للسماح لمواطنيها بحرية التظاهر وحرية التعبير.

 

 

 

 

كلنا هنفضل نعيد كلام أمريكا… وكل المنظمات اللي زينا هتراقب مصر عشان بس تلمح أي حاجة ندخل منها وبنمهد الطريق لأمريكا توصل للنيل عشان نحقق الحلم بتاعنا, إحنا جبنا الفرات فاضل نجيب النيل وبعدين نطبق على اللى بين النيل للفرات ونبقى حققنا حلم حياتنا..

 

 

 

 

الاتحاد الأوروبي يعرب عن قلقه ويدعو إلى إطلاق سراح جميع المعتقلين.

 

 

 

 

الله… إنتوا مسكتوا الرجالة ليه! ما تطلعوهم حرام عليكوا دول متظاهرين سلميين ده انتوا مفتريين قوي بطلوا إفترا إحنا لو كنا مكانكوا كنا قلنا انهم ارهابيين وكنا ضربناهم بالنار وماحدش لامنا عليهم… لكن انتوا اوعوا تعتقلوا واحد منهم حتى لو كان غلطان عشان هنطلعكم غلطانين وهنبعت رجالتنا إحنا كمان تشوف في ايه بالظبط!

 

 

 

 

الولايات المتحدة تنصح مواطنيها بتجنب السفر غير الضروري إلى مصر، وتطلب من الأمريكيين المقيمين في مصر بالبقاء في منازلهم.

 

 

 

 

انا لو شوفت أمريكان سيتزن واحد حصلوا حاجة مش هاسكتلكم… وعشان ماحدش يقولى ان هما اللى جم واتحشروا واتضربوا بالغلط أديني وريتكوا انى بقولهم أركزوا في البيت وماحدش هيقدر يلمسكم…. وخلي ده كارت ممكن نستخدمه بعدين

 

 

 

 

وزيرة الخارجية الأمريكية تعرب عن قلق بلادها تجاه تطورات الأوضاع في مصر، وتحث الحكومة المصرية على السماح بالمظاهرات السلمية

 

 

 

 

وهاعد أعيد وأزيد في نفس الكلام ليل نهار بقة… عشان أعلم عليكوا واعرفكوا انى قولتلكوا مليون مرة قبل ما نبعت جيوشنا

 

 

 

 

الحكومة البريطانية تعلن أن مطالب المتظاهرين في مصر مشروعة.

 

 

 

 

احنا كمان شايفين كدة… ما تمشى يا مبارك وتخلع وتسيبنا نتعامل إحنا؟

 

 

 

 

المحافظات الأردنية تشهد مظاهرات عديدة استجابة لدعوة الأحزاب والنقابات واللجان الشعبية المطالبة بإصلاح سياسي واقتصادي وبمحاربة الفساد وتطلق هتافات مؤيدة لمسيرات الاحتجاج في مصر.

 

 

 

 

وماحدش أحسن من حد… تونس ومصر مش أحسن مننا في حاجة.

 

 

 

 

البيت الأبيض يعرب عن قلقه تجاه تطورات الأوضاع في مصر ويدعو الحكومة المصرية إلى احترام حقوق الشعب المصري والسماح بعودة خدمات الإنترنت.

 

 

 

 

التصريح الخامس او السادس من الهيئات الأمريكية الرسمية إننا قلقانين قوي قوي قوي… وبعدين رجعولنا الانترنت لو سمحتوا عشان نشوف فيديوهات وكلام الرجالة ونعرف نتواصل معاهم عن بعد مش لازم ترهقونا اننا نبعت الناس يتدسوا وسطكم عشان يعرفوا يلاغوا الشباب يعملوا ايه… رجعوا الانترنت لو سمحتوا عشان يعرف عمرو عفيفي وامثاله يتكلموا ويستفزوا الشباب ويخلوهم يحولوا كل اللى عملوه من حلم لبكرة أفضل لمأساة إن بكرة يكون يوم ما طلعتلوش شمس.

 

 

 

 

 

 

الخارجية الأمريكية تعرب عن قلقها تجاه تطورات الأحداث في مصر وتدعو إلى احترام حربية التعبير وفتح وسائل الاتصال

 

 

 

 

ونكمل تصريحات أمريكية ده احنا القوى العظمى وماورناش أي حاجة اليومين دول غير مصر 24 ساعة فى الاربعة وعشرين ساعة… بس رجعولنا الموبايلات والانترنت عشان كدة عيب انتوا فصلتوا نفسكوا عن العالم وبتتعاملوا داخلياً بدون أي طريقة للاتصال بينا وده ما ينفعش … امال احنا نحرك اللى زرعناهم وسطكوا إزاى دلوقتى؟ بإشارات مورس؟

 

 

 

 

متحدث باسم الخارجية الفرنسية يقول إن السلطات المصرية اعتقلت أربعة صحفيين مصريين، الجمعة.

 

 

 

تخيلوا اعتقلوا مننا 4 صحفيين دفعة واحدة… بس السؤال بيقول اعتقلوهم فين ولا ازاى اذا كان الشرطة عندهم مشيت… بس هما اعتقلوهم وكلمونا من المعتقل مع ان الموبايلات والانترنت مفصولين بس احنا عندنا العصفورة بتاعتنا ان في 4 مننا اعتقلوا بس ماحدش هيجيب سيرتهم تانى… ده بس كارت كدة بنلعب بيه احنا كمان

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *