القوى الأجنبية وتدخلها لتصعيد الأزمة المصرية – اللي ما يشوفش من الغربال ( ج6 )

الأحد 30 يناير

رئيس الحكومة بنيامين نتنياهو بصدر قرارا بمنع الوزراء من التعليق على ما يجري هناك.

طلعونا برة اللعبة عشان إحنا كدة مش قد اللي بيحصل هناك… هنسيب كباراتنا يتكلموا خاصة بعد ما حسني مبارك كشر عن أنيابه وقوته وصموده كراجل وإنه مش هيسيبها خربانة ويجري حتى لو كان طول عمره طاحن الشعب بس إحنا ما ننساش لما ضربنا على قفانا في 73

وزارة الدفاع الأمريكية تعلن أن الوزير روبرت جيتس أجرى اتصالين هاتفيين بنظيريه المصري والإسرائيلي.

بصوا يا رجالة… لو هتدخلوا في حرب اليومين دول أو لو حد فيكوا فكر ينط ع التاني مش هينفع… إتقلوا كدة وبالذات إنت يا بتاع إسرائيل عشان الموقف حساس جداً دلوقتى

البيت الأبيض يعلن أن الرئيس باراك أوباما أجرى اتصالات هاتفية بعدة زعماء أكد فيها تأييده لانتقال سلس للسلطة في مصر إلى حكومة تحقق تطلعات الشعب المصري.

كدة لو كملت إستفزاز هتخرب على دماغ الكل… ولا حسني ولا غيره ولا حتى انا شخصياً هنعرف نحل الموضوع… إحنا لازم نخلى الموضوع يمشى صح خاصة إن حسني مبارك شكله شخص قوي وعنيد وصامد رغم سنه ورغم البهدلة اللى اتبهدلها جوة وبرة… مصر برضه شوكة صعب تتكسر ده إحنا كنا فاكرينها خلاص هتقع

وزير النقل العراقي هادي العامري يقول انه طلب من شركة الخطوط الجوية العراقية نقل المواطنين المقيمين في مصر مجانا.

لموا بقة رجالتنا اللى هربوا من العراق على مصر.. أهو كله بقة محصل بعضه دلوقتى… خليه يرجع هنا أحسنله مصر ما بقتش زي زمان

الحكومة التركية تقول أنها سترسل ثلاث طائرات إلى مصر لنقل رعاياها ومصادر حكومية تعلن أنهم يسعون لاعادة 750 من المواطنين الاتراك المقيمين في القاهرة والاسكندرية.

هاتوا الرجالة بتاعتنا من هناك عشان شكلها هتولع نار… وإحنا بنخاف على الشباب التركي وبنفكر كمان نلغى عرض مهند وسمر من مصر عشان نخاف عليهم من رجالة مصر.

وزارة الخارجية اليونانية تعلن أنها سترسل طائرات عسكرية لاجلاء رعاياها من مصر.

هنسفر الناس بتاعتنا في طيارات عسكرية… عشان لو حصل أى قلق أو لبش معانا نبقى جاهزين ماحدش ضامن مصر اليومين دول.

الولايات المتحدة تحذر رعاياها من السفر إلى مصر وتقرر سحب عائلات الدبلوماسيين والموظفين غير الأساسيين من مصر.

الموضوع داخل على حرب… لموا الناس بتاعتنا من هناك وسيبوا الناس اللى هتساعدنا بس.

بريطانيا تدعو مواطنيها إلى مغادرة مصر، ما لم تكن لديهم أسباب قاهرة للبقاء. و الحكومة البريطانية تعلن أنها اعدت خطة لإجلاء رعاياها من مصر عبر مدينة شرم الشيخ.

المواطنين بتوعى هاخدهم الاول على شرم الشيخ بعيد عن القلق وبعدين أسفرهم من هناك حتى لو قولتولى ودنك منين يا جحا ده أضمنلى على سلامتهم ماحدش ضامن المجال الجوي بتاع مصر في خلال الكام ساعة الجايين هيبقى فاضى ولا مشغول بطيران دول تانية جاية تحفظ السلام في مصر ولا اسرائيل تفكر تقل بعقلها.

اذربيجان تعلن انها ستقوم باجلاء رعاياها من مصر بعد مقتل موظف من سفارتها على هامش حركة الاحتجاج الشعبية ضد نظام الرئيس المصري حسني مبارك.

قولتلي إسمها إيه؟؟ أذربيجان؟؟

منظمة المؤتمر الإسلامي تدعو المصريين إلى التحلي “بأقصى درجات ضبط النفس”.

 

المصريين مش الحكومة ولا الرئيس… واخد بالك انتا

الرئيس الفرنسي نيكولا ساركوزي يؤكد أمام قمة الاتحاد الافريقي أن بلاده تقف إلى جانب المصريين “لاجراء تغيير سلمي”

غيروا يا ولاد بس بهدوء… اللي انتوا بتعملوه ده عاجبنا آه بس مش صح

السعودية ترسل ثمان طائرات ضخمة لاجلاء رعاياها من مصر.

 

الوضع في مصر ما يطمنش أبداً… أكيد في حد هيضرب قريب

وكالة انباء الاناضول التركية تقول ان تركيا سترسل طائرات الى مصر لاجلاء رعاياها هناك.

ما عرفنا انكوا ماشيين

وسائل اعلامية تقول ان السفارة الامريكية في القاهرة حثت الرعايا الامريكيين على التفكير بمغادرة مصر باسرع وقت ممكن، والسفارة الامريكية تؤكد انها ستبدأ في توفير رحلات لاجلاء رعاياها الراغبين بالمغادرة بدءا من الاثنين.

يا جدعان حاولوا تمشوا اللى يعرف يمشى دلوقتى واحنا جايين بكرة ناخدكوا بس ربنا يسترها ويعدي النهاردة على خير

في اول تعليق رسمي لاسرائيل على الاحداث في مصر رئيس الوزراء الاسرائيلي نتنياهو يقول ان على اسرائيل تان تتحلى بـ “المسؤولية وضبط النفس” تجاه الاحداث في مصر وانها “تريد حماية السلام مع مصر والاستقرار في المنطقة”.

إحنا بنحضر للحرب لو حصل أي حاجة… مش واخدين بالكوا من تسلسل الأحداث ولا إيه؟

الأمين العام للأمم المتحدة، بان كي مون، يدعو في كلمة ألقاها خلال افتتاح القمة الأفريقية السادسة عشرة في العاصمة الاثيوبية أديس أبابا المصريين الى ممارسة “ضبط النفس وعدم اللجوء إلى العنف”، وعلى “احترام الحقوق الأساسية والحريات وحقوق الإنسان”. ويضيف “يجب علينا الإصغاء بانتباه إلى صوت الناس، وتطلعاتهم إلى التي يواجهونها آمالهم بمستقبل أفضل”.

انا بعيد كل الكلام اللى اتقال اليومين اللي فاتوا عشان انا ماكنتش طلعت ولا قولت حاجة لسه

أمير الكويت الشيخ صباح الأحمد الصباح يعلن وقوفه إلى جانب “حكومة وشعب مصر” في اتصال مع الرئيس المصري حسني مبارك

كلنا وراك يا مبارك إثبت وأوعى تسيبها خرابة وعدل للناس اللى عاوزينه وصلح البلد وأعمل لقطة حلوة في نهاية مشوارك الطويل

الاتحاد الأفريقي يعرب في بيان عن قلقه حيال الوضع في مصر، ويصفه بـ “المثير للاهتمام”.

 إحنا بنعيد نفس الكلام عادي مانتوا عارفينا أفارقة… بس حبينا نضيف انه مسلي قوي

مجلس التعاون الخليجي يعرب عن رغبته في تحقيق الاستقرار في مصر

 

رجعوا الإستقرار لمصر إحنا بنحبها والله

وكالة الانباء الفرنسية تنقل عن مصدر في الحكومة الفلسطينية أن معبر رفح الحدودي مع مصر سيغلق الأحد وأن اغلاقه قد يستمر عدة أيام

 

كله بيجهز للحرب اللي ع الباب

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *