القوى الأجنبية وتدخلها لتصعيد الأزمة المصرية – اللي ما يشوفش من الغربال ( ج7 )

إستكمالاً…

الأثنين 31 يناير

 

رئيس الحكومة الاسرائيلية بنيامين نتنياهو يقول إنه يتابع التطورات في مصر “بقلق وترقب”، ويخشى من احتمال تولي حكومة اسلامية متشددة زمام الامور في القاهرة.

 

انا مقلق لمبارك يهرب ويسيبها والاقى نفسي في وش الإخوان وتبقى مصيبة وكارثة بكل المقاييس… بس إحنا جاهزين دلوقتى لحرب ورافعين درجات الاستعداد القصوى عشان لو مبارك هرب ندخل جري قبل ما حد يلحق يسيطر على الأمور.

 

وكالة التصنيف الائتماني العالمية “مودي” تصنف ديون مصر في درجة بي إيه 2 (Ba2)، مع احتمال تخفيضها إلى درجة أدنى على المدى القريب، وذلك في حال تواصل تدهور الأوضاع والاضطرابات السياسية في البلاد.

 

ما تنسوش اللي عليكوا وانتوا مش ناقصيين… مش كفاية بتتكلفوا حوالى 350 مليون جنيه ع الاقل في البهدلة دي… لأ ولسه… طب كنتوا أدفعوا اللي عليكوا الأول

 

منظمة “هيومن رايتس ووتش” تدعو حكومات دول الشرق الاوسط لتعلم الدروس من الانتفاضة في تونس ومصر وان تعمل على تحسين اوضاع الحريات فيها. وقالت مسؤولة في المنظمة: “سيكون من الحكمة، ومن اجل بقائها واستمرارها، ان تحترم حكومات المنطقة الحقوق الانسانية لشعوبها”.

 

إظبطوا نفسكوا بقة وألحقوا نفسكوا عشان ما يبقاش كاس بيعدي ع المنطقة كلها… وإحنا خلاص مش هنقول أي كلام تانى موجه لمصر ولا إننا مستائين ولا هنمهد لحد يدخل مصر ولا حاجة خلاص مبارك عمال يكتم فينا

 

بعض الشركات الاجنبية تعلن عن تعليق اعمالها في مصر كما هي الحال مع شركة الشحن والنفط الدنماركية مايرسك التي اعلنت عن تعليق كل نشاطاتها في مصر وان اشارت الى استمرار عبور السفن في قناة السويس حتى الان، وشركة لافارج الفرنسية الكبرى لمواد البناء التي تقول انها علقت العمل في مصانع انتاج الاسمنت التابعة لها في مصر وسط الاضطرابات السياسية في البلاد.

 

كلنا هنسحب إستثماراتنا من مصر وهنشارك في زيادة البطالة وضياع الاقتصاد… انتاو اللى عملتوا كدة في نفسكوا بقة… وإحنا خايفين على مصالحنا والدنيا شكلها لسه هتخرب زيادة عشان الناس مش راضية تعقل وتجيبها لبر.

 

الرئيس السوري بشار الاسد يقول في مقابلة صحفية مع صحيفة (وول ستريت جورنال) الامريكية إنه لايوجد احتمال في ان تنتشر الاحتجاجات التي شهدتها وتشهدها تونس ومصر الى بلاده التي يحكمها حزب البعث لاكثر من خمسين عاما.

 

الله الله الله… هو الدور عليا ولا أيه… طب انا هاقول برضه نفس الكلام اللى قالوا مبارك قبلي وربنا يسترها بقة.

 

البيت الابيض يقول ان الرئيس الأمريكي باراك اوباما يؤيد انتقال السلطة بشكل منظم في مصر إلى حكومة تلبي طموحات الشعب المصري. ويوضح انه أجرى مكالمات هاتفية مع زعماء تركيا والأردن والسعودية ورئيس الوزراء البريطاني والإسرائيلي لمناقشة الأوضاع المستجدة في مصر.

 

أنا خلاص عرفت إنك مش ماشى يا مبارك وهبدأ أهدي من تصريحاتي اللاذعة وأخفف من التحذيرات والإنذارات طالما انت واقفلى لسه زي الشوكة في الزور… بس أحب أأمن على الناس اللى حواليك في كل الإتجااهات وأشوف مين معاك ومين ضدك ورأيهم إيه النظام كدة.

 

عشرات الأتراك يتظاهرون أمام السفارة والقنصلية المصريتين في أنقرة واسطنبول منتصف ليلة الاحد بعد أن شاع بين الأتراك أن الحكومة المصرية ربما ستصعد اجراءاتها ضد المتظاهرين بعد تعيين رئيس الاستخبارات عمر سليمان نائبا للرئيس، وقد رفع المتظاهرون شعارات تدعو الرئيس مبارك إلى الرحيل وتعتبر أن الشعب المصري ليس وحيدا.

 

إشارة للمتظاهرين إنكم تخافوا كمان من عمر سليمان عشان كدة مبارك عزز تواجده وأكد عدم رحيله وقوته وصموده فأحنا بقة جايين نقولكوا فوقوا قبل ما عمر سليمان ياكولكوا!! على اساس انهم عارفين مين عمر سليمان أصلا؟؟

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *