القوى الأجنبية وتدخلها لتصعيد الأزمة المصرية – اللي ما يشوفش من الغربال ( ج8 )

إستكمالاً…

 

 

الثلاثاء, 1 فبراير

 

 

 

 

 

 

 

اوباما يؤكد انه ابلغ مبارك بوجوب ان تبدأ عملية انتقال السلطة الان ويهنئ الجيش المصري على ضبط النفس خلال الأزمة،ويوضح في كلمة له عقب إعلان مبارك عدم ترشحه لولاية رئاسية جديدة أنه تحدث معه وأن يدرك جيدا ” أن الوضع الحالي لا يمكن أن يدوم ويجب حدوث تغيير”.

 

 

 

الريس أوباما قائد الثورة المصرية الحالية بينادي ” يسقط يسقط حسني مبارك ” وشايف إن ده لازم يحصل حالاً… أنتوا عارفين بقة أمريكا بتحب مصر ويهمها خير لولاد مصر وشباب ومستقبل مصر وده عشان يحصل لازم حسني مبارك يمشي حالاً… واخدين بالكوا إنتوا من امريكا الحنينة واللي همها مصلحة البلد قوي؟

 

 

 

مسؤول امريكي كبير يقول ان اعلان مبارك انه لن يترشح للانتخابات المقبلة مهم لكنه لا يكفي لتلبية مطالب المتظاهرين.

 

 

 

كل أمريكا معاكوا في إن مبارك لازم يرحل وحالاً… إحنا خلصنا دراسة الملف بتاعكوا وترجمنا كل الامور وجهزنا كل حاجة ومستعدين بقة إنه بس يتحرك من على كرسيه… ما تسيبوهوش يأمن البلد ولا ينقل السلطة واحدة واحدة… عاوزينه يرحل حالاً خلاص إحنا جاهزين.

 

 

 

وزير الدفاع الأمريكي يجري اتصالا هاتفيا بنظيره المصري محمد حسين طنطاوي.

 

 

 

 

إيه الدنيا عندك؟  انا بس متصل أقولك إن لو مبارك تنحى طبعاً انت عارف اللي فيها… وانتوا مش قدنا فلو ليك نفس إنك تتعاون ويادرا ما دخلك شر قولي عشان ابقى على نور… لو ناوي تعند بقة وتقود الجيش بتاعك في معركة دفاع والجو ده برضه لاغيني عشان أعرف أجهز أنا كمان لمعركة قوية.

 

 

 

 

تجمع بعض الأتراك أمام السفارة المصرية في أنقرة للقيام بمظاهرة تضامنا مع المتظاهرين في مصر.

 

 

 

إمشي يا مبارك إمشي يا مبارك… الناس مش عارفة تتابع آخر تطورات مهند وسمر

 

 

 

وزارة الخارجية اليونانية تقول إنها أجلت 155 مواطنا يونانيا كانوا يعيشون في مدينة الإسكندرية الساحلية.

 

 

 

 

إحنا سمعنا طراطيش كلام كدة غن البلد هتخرب قريب… فقولنا ناخد الناس بتاعتنا عشان لو حصل دب ولا حاجة.

 

 

 

 

الشبكة الأورومتوسطية لحقوق الانسان تطالب الاتحاد الأوروبي بإعادة النظر في اتفاقياته مع مصر.

 

 

 

 

هما مين دول؟؟؟ ما علينا! بس إتفاقيات إيه بالظبط؟

 

آه مش دول بتوع ندين القوة وتزوير الانتخابات المصرية ونساعد مصر في الحد من الإرهاب؟

 

 

 

 

رئيس الوزراء الإسرائيلي يقول إن المجتمع الدولي يجب أن يطالب أي حكومة قد تتولى السلطة في المستقبل في مصر بأنها يجب أن تحترم معاهدة السلام المصرية الإسرائيلية.

 

 

 

 

يا اخوانا إحنا مالناش فيه بقة… بس ما ينفعش مبارك يمشي وتحطولنا واحد جديد يقولك مافيش معاهدة سلام وماما في العشة ولا طارت… إحنا كدة كدة جاهزين إننا لو المعاهدة إتفضت ندخل على سينا وأمرنا لله وربك يسترها بقة ونبقى نعمل معاهدة سلام تانية كمان 20 سنة.

 

 

 

 

وزارة الخارجية النمساوية تقول في بيان لها انها بدأت في إجلاء مئات من مواطنيها من مصر.

 

 

 

 

تعتقد في علاقة بينها وبين دور توفيق الدقن لما كان عامل نمساوي؟ بس عموماً اهي من ضمن خراب السياحة والإستعداد لشن الحرب على مصر يعني في أي ظروف نبقى جاهزين.

 

 

 

 

متحدث باسم الخارجية البريطانية يصف الموقف في مصر بأنه مفتوح على كل الاحتمالات ولا يمكن التنبوء به ووزير الخارجية البريطاني هيج يقول إنه أصيب بخيبة أمل تجاه تشكيل الحكومة الجديدة في مصر.

 

 

 

 

نعم!! الحكومة الجديدة مش عاجبة البرنس… مين اللي مش عاجبه بقة إن شاء الله؟ عمر سليمان اللي معلم عليهم ولا أحمد شفيق اللي ظابط الدنيا؟

 

ماهوا برضه بريطانيا بتحب مصر والمصريين ويهمها امرهم… وشايفين إننا لازم ما نقبلش بالحكومة دي عشان دي ” خيبة كبيرة “

 

 

 

 

تايوان تقول أنها أرسلت طائرة تجارية إلى مصر لإجلاء 129 شخصا من رعاياها هناك.

 

 

 

 

خسارة كانوا أصلي مش صيني… عموماً إن شاء الله ما تخافوش مش هنحارب الدنيا عندنا أمان برضه.

 

 

 

 

وزير الخارجية البريطاني، وليم هيج، يعلن أن بريطانيا سترسل طائرة مستأجرة إلى القاهرة لإجلاء رعاياها الراغبين في الرحيل.مضيفا أمام مجلس العموم البريطاني أنه سيرسل طائرات إضافية إلى مصر إذا ما تطلب الوضع ذلك.

 

 

 

 

يا شعبي أهرب من البلد دي اليومين دول بالذات عشان إحنا لسه قايلين لا يقبل الوضع أي إحتمالات وكافة الاحتمالات مفتوحة… البلد دي شكلها داخلة على حرب وإحنا بنرتب نفسنا… بس اللى عاوز يقعد يخليه ولو حصل قلق انا هاعرف أجيبه إزاي.

 

 

 

 

وزير الخارجية البريطاني وليام هيج يعلن أمام مجلس العموم أنه سيجري اتصالا بعمر سليمان نائب الرئيس المصري لحث المصريين على تشكيل حكومة ذات تمثيل موسع للقوى السياسية.

 

 

 

أيوة كدة عاوزين نشوف حكومة فيها ناس من كل القوى السياسية… بس هو القوى السياسية المعارضة فيها حد ينفع يكون وزير؟ و لا مؤاخذة هي الحكومة الحالية برضه حزب وطني ولا إيه؟ انت ما عندكش السي في بتاع الوزراء الجداد؟ طب عموماً انا هاحضره وابعتهولك… وهنبقى نعملك حاضر.

 

 

 

سلطات هونج كونج تقول تعلن إنها ستجلي مواطنيها من مصر في أقرب وقت ممكن.

 

 

 

 

سلطات دي زي البابا غنوج وكدة؟ عموماً مع السلامة مع إن السياحة بتضرب عندنا كدة بس عادي الرجالة هتفضل في التحرير لحد ما حسني يسيبها ونحارب ونخربها على دماغنا إحنا واللي كان بيسرقنا 30 سنة عشان ننهي قصة حياة حسني مبارك بشكل صح… بعد 30 سنة استبداد إنتهت بثورة وحرب في نفس الوقت عشان يبقى كل الأحداث حصلت.

 

 

 

 

رئيس لجنة العلاقات الخارجية في مجلس الشيوخ الأمريكي جون كيري يقول إن على الرئيس حسني مبارك ان يدرك ان استقرار مصر يتوقف على تنازله عن الحكم لمصلحة نظام سياسي جديد.

 

 

 

 

يا جدعان بقولكوا امريكا همها حال مصر… الناس دي بتحب الشباب وبتحب مصر… ولو انتوا عاوزين الشباب يروح عشان الإستقرار… لأ ما تروحهومش… الإستقرار الحقيقي هيحصل لما هو يمشى وإحنا نيجي نعمل إستقرار.

 

 

 

 

المغرب يقول إنه سيجلي نحو 300 من رعاياه من مصر على متن طائرتين مستأجرتين.

 

 

 

حتى المغاربة خايفة من الحرب.. وإحنا ولا داريانين؟

 

 

 

الخارجية الأمريكية تطلب من موظفيها في مصر المغادرة مع عائلاتهم باستثناء من هو ضروري منهم.

 

 

 

 

الضروري ده بقة السفرا ولا الجواسيس ولا العناصر المدسوسة؟

 

 

 

 

بعض السفن والناقلات تعلن عن تغيير مسارها لتجنب المرور في الموانئ المصرية، والتوقف بدل ذلك في في دول أخرى للتزود بالوقود، و شركة “هانجين” للشحن، ومقرها كوريا الجنوبية، تقول أنها بصدد تغيير خط سير بعض السفن التابعة لها، وذلك نظرا لتأثر عملياتها في كل من مينائي بور سعيد والاسكندرية بسبب نقص الموظفين فيهما.

 

 

 

 

عشان تبقى ولا حتى مواني شغالة… وفي نفس الوقت ما نضمنش يكون في غواصة هنا ولا غواصة هنا بقة ويخربوا علينا الدنيا… خلينا ناخد طريق رأس الرجاء الصالح كمان لو حبينا لكن نيجي ناحية مصر لأ… مصر ممنوع الاقتراب خطر الإنفجار.

 

 

 

 

مسؤول أمريكي يصرح لوكالة فرانس برس بأن السفيرة الأمريكية في القاهرة مارجريت سكوبي أجرت اتصالا هاتفيا بالمعارض المصري محمد البرادعي.

 

 

 

 

الراجل ده بتاعنا من زمان من أيام العراق… قولنا كدة ناخد منه تطورات الوضع ونقوله التعليمات والتوجهات الجديدة… وندعم موقفه برضه مع اننا رامينه كدة ومش مأكدين إننا هنستخدمه.

 

 

 

 

رئيس الوزراء الاسرائيلي بنيامين نتنياهو يناشد الاسرة الدولية بان تطلب من اي حكومة مصرية جديدة احترام معاهدة السلام التي ابرمت مع اسرائيل قبل ثلاثين عاما.

 

 

 

تاني إنتا؟؟ يا عم عرفنا إنك هتحارب لو مبارك مشي وفهمناها خلاص إنك بتمثل على حس معاهدة السلام وشايفين رجالتك ع الحدود وغيرنالك محافظ شمال سيناء عشان كدة… بس قولي هي مين الاسرة الدولية دي؟ إنت ابن مين ياض؟

 

 

 

 

صندوق النقد الدولي يعلن انه “مستعد لمساعدة مصر على وضع سياسة اقتصادية لاعادة البناء.”

 

 

 

إحنا بقة هنيجي نظبطكوا إستثمارات اجنبية وشغل عالي بس إنتوا إدونا الجرين لايت وبالمرة كدة نبنيلنا قاعدتين تلاتة للدولة العظمى بدل مانتوا معارضين بقالكوا سنين.

 

 

 

 

حركة اوتبور، التي ساهمت في اسقاط حكم ميلوسوفيتش في صربيا، تمتدح المظاهرات والاحتجاجات السلمية في مصر التي تستهدف اسقاط نظام الرئيس حسني مبارك.

 

 

والزعيم السابق لحركة المقاومة سورجا بوبوفيتش يقول ان الاحتجاجات في مصر تشبه تلك التي شهدتها صربيا عام 2000 والتي انهت حكم الرئيس الصربي سلوبودان ميلوسوفيتش.

 

 

 

إسخنوا أكتر يا رجالة… إحنا بنقول عليكوا رجالة وجامدين وما تخافوش يعني مبارك هيسقط هيسقط يعني هو هيبقى أحسن من ميلوسوفيتش… ده كان مجرم حرب.

 

 

 

 

وزير الخارجية الايراني علي اكبر صالحي يقول إن “انتفاضة الشعب المصري ستساعد في تشكيل شرق اوسط اسلامي.”

 

 

 

 

هو لا مؤاخذة من إمتى إيران وإسرائيل وأمريكا بيتفقوا على رأي واحد؟؟ وبعدين شرق أوسط إسلامي مين يا عمو هو حد قالك إننا بنقول مش عاوزينها ديموقراطية ولا شرعية عاوزينها إسلامية إسلامية؟

 

وبعدين لا مؤاخذة إنتوا مش شيعة وبتكرهونا؟ حبيتونا دلوقتي وشايفين إن كلنا مسلمين؟

 

 

 

 

رئيس الحكومة التركية رجب طيب اردوغان يقول إن على الرئيس المصري حسني مبارك ان يستمع الى مطالب شعبه “دون تردد”. ويضيف في خطابه الاسبوعي المتلفز للبرلمان التركي مخاطبا الرئيس المصري: “استمع الى صراخ شعبك ومطالبه الانسانية العادلة، واستجب لمطلبه بالحرية دون مواربة.”

 

 

 

يعني م الآخر إمشي وسيبها بقة تخرب تولع تصلح تفسد إنت مالك إنتا … يا عم إمشي وإسمع كلام الشعب هو مش جمهورية والشعب هو اللي بيتحكم فيها؟ إمشي بقة وخليهم هما يتدبروا امورهم سواء لبسوا في الحيط ولا طلع كلامهم صح.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Facebooktwittergoogle_plusredditpinterestlinkedinmail

نُشرت بواسطة

Ahmed Samy

Digital Strategist | Social Media Strategist | Digital Marketing | Online Marketing | Online Advertising Strategist | Digital Strategist | Digital Marketing in the Middle East

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *